İlham Əliyev və Sadır Japarov Ağdamda Şahbulaq qalasında olublar
Aprelin 25-də Azərbaycan Respublikasının Prezidenti İlham Əliyev və Qırğız Respublikasının Prezidenti Sadır Japarov Ağdamda Şahbulaq qalasında olublar.
Dövlət başçılarına qalanın bərpası işləri barədə məlumat verildi.
Bildirildi ki, XVIII əsrə aid bu qala Qarabağ ərazisindəki ən məşhur abidələrdən biridir. Ağdam şəhərinin 10 kilometrliyində, Şahbulaq kəndi yaxınlığında yerləşən qala 1751-1752-ci illərdə Qarabağ xanlığının banisi Pənahəli xan tərəfindən inşa etdirilib. Elmi ədəbiyyatda “Şahbulaq qəsri” adı ilə tanınan abidə, əslində, iri qəsr kompleksinin iç qalası olub. Kompleks yaşayış evlərindən, bazar, hamam və məsciddən ibarət idi. Pənahəli xan Şuşa qalasını inşa etdirənədək Şahbulaq qalası Qarabağ xanlığının inzibati mərkəzi olub. Ermənilər Ağdamı işğal etdikdən sonra bir sıra abidələrimiz kimi Şahbulaq qalasını da erməniləşdirməyə çalışıb, yaxınlıqdakı məscidi isə kilsə kimi təqdim ediblər.
Hazırda abidədə Azərbaycan dövləti tərəfindən bərpa işləri aparılır. Burada 12 hektar ərazi abadlaşdırılıb, inzibati bina, bilet satışı məntəqəsi, avtodayanacaq tikilib. Şahbulaq iqamətgahı, Şah Abbas məscidi, restoran, otel kompleksi, söhbətgahlar, tədbir meydançası və anbar binası yaradılıb.
Dövlət başçıları Şahbulaq qalasının həyətində təndir çörəyinin və qutabın bişirilməsinə baxdılar.
https://president.az/az/articles/view/65622
![](https://44days.info/wp-content/uploads/2024/05/1714044602_f26e814eb491a541dfb9a8518b98e496-1024x677.jpeg)
![](https://44days.info/wp-content/uploads/2024/05/1714044604_9697af8fbe931fe4a97e198f77e68bea-1024x656.jpeg)
![](https://44days.info/wp-content/uploads/2024/05/1714044607_86388553cfdc83e826f3764ca9c9e727-1024x695.jpeg)
![](https://44days.info/wp-content/uploads/2024/05/1714044609_73161e2697c677a3f49c257ec7771649-1024x668.jpeg)
![](https://44days.info/wp-content/uploads/2024/05/1714044610_87bab775ba904ba6c857d4841f5d08d7-1024x697.jpeg)
![](https://44days.info/wp-content/uploads/2024/05/1714044612_1d55ac8b1cd2b13cd137d1f93d6e628d-1024x702.jpeg)
![](https://44days.info/wp-content/uploads/2024/05/1714044614_2cab76403810a237a8db3373da022787-1024x731.jpeg)
![](https://44days.info/wp-content/uploads/2024/05/1714044616_609a3989775ba0a3d29973b4be2f402c-1024x661.jpeg)
![](https://44days.info/wp-content/uploads/2024/05/1714044620_fb8e193084b00e1b2fc59599815f2985-1024x696.jpeg)
![](https://44days.info/wp-content/uploads/2024/05/1714044623_ab40f17aac5c0fad939ca3b7741574f0.jpeg)