BU TARİXİ GÜNDƏ
Bizim mövqeyimiz sağlam düşüncəyə, humanitar zəminə əsaslanır və beynəlxalq ictimaiyyət tərəfindən dəstəklənir! İlham Əliyev
Cəbhədə noyabrın 6-na olan son vəziyyət
Noyabrın 5-i gün ərzində və 6-na keçən gecə Ermənistan silahlı qüvvələrinin bölmələri cəbhənin müxtəlif istiqamətlərində Azərbaycan Ordusu bölmələrinin mövqelərini və yaşayış məntəqələrimizi müxtəlif atıcı silahlar, top və minaatanlardan atəşə tutub.
Döyüş əməliyyatları müxtəlif intensivliklə əsasən cəbhənin Ağdərə, Ağdam, Xocavənd və Qubadlı istiqamətlərində davam edib. Düşmən cəbhənin bəzi sahələrində şəxsi heyət və hərbi texnikada itkilər verərək geri çəkilməyə məcbur edilib.
Hazırda döyüş əməliyyatları davam edir. Əməliyyat şəraiti qoşunlarımızın nəzarəti altındadır.
https://mod.gov.az/az/news/cebhede-noyabrin-6-na-olan-son-veziyyet-33672.html
Ermənistan dövlət sərhədində atəşkəs rejimini pozub
Ermənistan silahlı qüvvələrinin bölmələri Ermənistan-Azərbaycan dövlət sərhədində yerləşən Azərbaycan Ordusunun bölmələrinin mövqelərini minaatan və atıcı silahlardan yenə atəşə tutub.
Noyabrın 5-dən 6-na keçən gecədən başlayaraq səhər saat 05:00-dək Ermənistanın Berd, Çəmbərək və Vardenis rayonları istiqamətindən Azərbaycanın Tovuz, Gədəbəy və Daşkəsən rayonlarında yerləşən hərbi bölmələrimizin mövqeləri düşmən tərəfindən fasilələrlə atəşə tutulub.
https://mod.gov.az/az/news/ermenistan-dovlet-serhedinde-ateskes-rejimini-pozub-33675.html
Düşmən Tərtərin kəndlərini atəşə tutur
– TƏCİLİ –
Noyabrın 6-sı saat 08:00-dan başlayaraq Ermənistan silahlı qüvvələrinin bölmələri Tərtər şəhərini, rayonunun Qazyan və Hüsənli kəndlərini atəşə tutur.
Azərbaycan Ordusunun bölmələri tərəfindən düşmənin atəş nöqtələrinin susdurulması üzrə cavab tədbirləri görülür.
Gecə ərzində Goranboy rayonunun Tapqaraqoyunlu kəndi də düşmən tərəfindən artilleriya atəşinə tutulub.
https://mod.gov.az/az/news/dusmen-terterin-kendlerini-atese-tutur-33678.html
Düşmənin minaatanlarının Göyarxdakı atış nöqtələrinə zərbələr endirilib – VİDEO
Tərtər rayonunun işğal olunmuş Göyarx (keçmiş Levonarx) kəndinin ərazisindəki düşmənin atış nöqtələrinə çıxarılan minaatanların heyəti bölmələrimizin dəqiq atəşi ilə məhv edilib.
Düşmən Tərtərin kəndlərini artilleriya atəşinə tutur
– TƏCİLİ –
Ermənistan silahlı qüvvələrinin bölmələri Tərtər rayonunun Qazyan, Qaynaq, Qapanlı və Hüsənli kəndlərini artilleriya atəşinə tutur.
Ordumuz düşmənin atəş nöqtələrinin susdurulması üzrə cavab tədbirləri görür.
https://mod.gov.az/az/news/dusmen-terterin-kendlerini-artilleriya-atesine-tutur-33684.html
Füzuli rayonunun işğaldan azad olunan kəndlərinin videogörüntüləri – VİDEO
Ermənistan silahlı qüvvələrinin döyüş mövqelərinə zərbələr endirilib – VİDEO
Ermənistan silahlı qüvvələrinin Ağdərə yaxınlığındakı atış nöqtələrinə çıxarılan D-30 haubitsasının heyəti bölmələrimizin dəqiq atəşi ilə məhv edilib.